Saturday, December 10, 2011

ഒഴികുറി


സി.എൻ.കുമാർ














റക്കം വരാതെ നീയിപ്പോഴും
ഭീതിയുടെ മുനയ്ക്ക് മുകളില്‍
തന്നെയാണല്ലോ ഇരിക്കുന്നത്.
ഒരു പക്ഷെ നാളത്തെ പുലര്‍ച്ചയില്‍
പരസ്പരം ഒന്നും പറയാതെ
നമ്മള്‍ കടന്നു പോയാല്‍ ,
ശവപ്പെട്ടികള്‍ ചിരിച്ചാര്‍ക്കുന്ന
കുളമ്പൊച്ചകളില്‍ തിരിച്ചറിയാതെ
നമ്മുടെ ഞരക്കങ്ങളും ഒലിച്ചുപോകും.


എല്ലാവർക്കുമിപ്പോള്‍ വേണ്ടത്
നമ്മുടെ ജീവൻ കൊണ്ട് വിലപേശല്‍ .
കൂടുതല്‍ വെള്ളി,കൂട്ടത്തില്‍
നമുക്കായി പാടിയൊരുക്കിയ
കണ്ണാക്ക്  പാട്ടിന്റെ പുന:പ്രക്ഷേപണം.
സമ്രാട്ടിന്റെ മുന്നില്‍ വാക്കൈപൊത്തിനിന്ന
നാടുവാഴിയുടെ പൊളിവചനങ്ങളില്‍
ഒളിഞ്ഞിരിക്കുന്നത് നാളേയ്ക്കു
പറഞ്ഞുറപ്പിച്ച  കസേരകളുടെയും
പാരിതോഷികങ്ങളുടെയും
പ്രവചനക്കിലുക്കങ്ങള്‍ .


നമുക്കിനി മരണമുറപ്പിച്ചു തന്നെ
ഉറങ്ങാതിരിയ്ക്കാം.
എപ്പോഴാണിനി ഭൂമിയ്ക്ക്
തുള്ളല്‍പ്പനി വരികയെന്ന്
നോക്കിയിരിക്കാം.
ഒരു പക്ഷെ;
ഒഴുകിപ്പോകുന്ന ജീവിതങ്ങള്‍ക്ക്
എത്തിപ്പിടിക്കാന്‍ ഒരു പിടിവള്ളി,
നമുക്ക് അത്രയെങ്കിലും തുണയ്ക്കാമല്ലോ.

O


2 comments:

  1. എ .ബി .വി കാവില്‍പ്പാട്December 11, 2011 at 6:17 PM

    "എല്ലാവർക്കുമിപ്പോള്‍ വേണ്ടത്
    നമ്മുടെ ജീവൻ കൊണ്ട് വിലപേശല്‍..."...ആശംസകള്‍

    ReplyDelete
  2. എ .ബി .വി കാവില്‍പ്പാട്December 11, 2011 at 6:18 PM

    കൊള്ളാം...ആശംസകള്‍

    ReplyDelete

Leave your comment