Saturday, February 26, 2011

ഭരണം



സതി പെരുങ്ങാലം 





രാകിമിനുക്കിയ 
വായ്ത്തല പോലുണ്ട് 
നിന്‍റെ ചിരി.


ആശ്രമമൃഗങ്ങളെ 
കൊല്ലരുതെന്ന് കേട്ടപ്പോഴത്തെ 
ചെത്തമുള്ള ചിരി 
പുലിനഖം പോലുണ്ട്. 


ആര്‍ത്തരക്ഷയ്ക്കു നിന്നമ്പെ -
ന്നു കേട്ട് ദംഷ്ട്ര കാട്ടി നിന്‍ ചിരി.


ഈതിബാധകളുടെ പുലയാട്ടുപോലെ 
ധിക്കൃതശക്രപരാക്രമികളായ 
ഭൂതഗണങ്ങളുടെ ചിരി.


ആരുമറിയാതെറുമ്പരിച്ച ചീരയരിയും 
വിരലിലെ ഇന്‍ഡെലിബിളിങ്കും
കണ്ടു നീ ചിരിച്ചത് 
വേട്ടനായ്ക്കളുടെ പല്ലുപോലെ.


സാമന്തനോടു ചേര്‍ന്നും തന്തയെക്കൊന്നും 
വെട്ടിപ്പിടിച്ചവന്‍റെ ചിരിമായ്ക്കുന്നത് 
നിന്‍റെ ചിരി.           

O



ചിത്രം - Google

2 comments:

  1. നിധീഷ്, ക്ഷമിയ്ക്കണം ട്ടൊ...നിയ്ക്ക് ഒന്നും മനസ്സിലായില്ലാ..സത്യത്തില്‍ ആ ചിരി ആരുടേതാ..?

    ReplyDelete
  2. ആ ചിരി ആരുടേത്? മരണമോ മാരണമോ?

    ReplyDelete

Leave your comment