Saturday, December 24, 2011

ഒരണ കണ്ടിട്ടുണ്ടോ?


മുഹമ്മദ്‌ ഷാഫി















രണ കണ്ടിട്ടുണ്ടോ?

ഷോക്കേസിൽ വെച്ച
മുത്തച്ചന്റെ ലക്ഷ്മിവരാഹനോ
പുത്തനോ അല്ല.

വക്ക് പോയൊരു
ഓട്ടക്കാലണയാണ്.

പുറം തിരിഞ്ഞു നിന്ന്
അയൽക്കാരന്റെ വയലിൽ
പൊന്നു പാകി
മലനാടിനെ നോക്കി
മരണഗീതം മുഴക്കി
ഒരണയ്ക്കു കൊള്ളാത്ത
വ്യദ്ധന്റെ കാലണ
നടുതുളയിലൂടെ കരഞ്ഞു-
കൊണ്ടൊഴുകാൻ വരുന്നുണ്ട്..!


കണ്ടു കിട്ടുന്നവർ
ദയവായി അയച്ചു തരിക..!


കേരള സർക്കാർ
പുരാവസ്തു വകുപ്പ്
ആപ്പീസ് നമ്പർ 69
(സാമൂഹിക സാംസ്കാരിക വകുപ്പ് കാര്യാലയം)
തിരുവനന്തപുരം-1

പാരിതോഷികം നൽകപ്പെടും.


O


1 comment:

  1. ഒരണവിറ്റ കാശിന്റെ വിലപോലുമില്ലാത്ത
    ലഷം ജനതാ.. കവിതയിലെ "അണ" വിലമതിക്കാനാകാത്തതാണ്..

    ആശംസകള്‍, നന്മ്കള്‍..

    ReplyDelete

Leave your comment